أحوال – أحمد التهاني
في بداية اللقاء نرحب بالشاعر المبدع والمميز من دولة الكويت الحبيبة الشاعر سعود الحسيني فمرحبا مليون حبيبنا بك في صحيفة أحوال الإلكترونية وبعد نطرح عليك مجموعة من الأسئلة وتجيب عليها
س ١- حدثنا عن نشأتك وتعليمك ؟
ج١ نشأتي عاديه بين اب وام واخ واخوات
تعليمي ثانويه عامه .
س ٢- متى بدأت موهبة الشعر لديك ؟
ج٢ بدأت الشعر في عمر الثامنة عشر .
س ٣ – بمن تأثرت من الشعراء قديماً وحديثاً ؟
ج ٣- تأثرت في صاحب السمو الملكي الأمير خالد الفيصل وكنت أحفظ قصائده .
س ٤ – ما أحب مواضيع الشعر لك ؟
ج ٤ – شعر الحكمة والنصيحة والغزل والمدح والوطني .
س ٥ – هل واجهت صعوبات في بداياتك ؟
ج ٥ – نعم واجهت مصاعب ولم أجد من يقف معي
أو يوجهني في الشعر .
س ٦ – هل تعرضت لمواقف طريفة أو محرجة في مشوارك الشعري ؟
ج ٦ – لا أذكر المواقف .
س ٧ – ماهي نصيحتك للشعراء الجدد والشعراء بصفة عامة ؟
ج ٨ – نصيحتي للشعراء بأن الشعر أدب ويجب الإلتزام بأدب الشعر
واحترام الكلمة واحترام الذوق العام في القصيدة .
س ٩ – نود منك أربع قصائد لمحبيك في العالم العربي
ج ٩-
الشاعر :سعود الحسيني
النفس لاصدت عن الشي صدت
والله ماترجع ولو صار ما ماصار
والعين عن بعض المخاليق لدت
عن شوف بعض الناس غضت بالانظار
صارت امور في حياتي استجدت
صارت امور منها العقل محتار
وافكار عقلي راحت يمين ردت
ومره يروح العقل بافكاره يسار
وبعض السوالف مالها ذكر عدت
وبعض السوالف والله انها بالافكار
والحبل شده كان هالناس شدت
لاترخي احبالك ترى غيرك كبار
وصافح يدين اللي لك ايديه مَدت
واقصر يدينك عن قصيرين الاشبار
ولاتستمع للي هروحه تردت
واسمع كلام اللي لك يصير تذكار
ويالله ياللي بامرك الارض مُدت
وحتى السما بامرك بلا عمد واسوار
تحفظنا يالله من امور استجدت
امور يصبح منها العقل منهار
والنفس لاصدت عن الشين صدت
نفسي تحب الزين في كل الاقطار
الشاعر : سعود الحسيني
بعض العرب لاشفت زوله تطوفه
ماكنك تشوفه ولاهو بيعنيك
وبعض العرب تكحل عيونك بشوفه
حيثه على قلبك عزيز ويغليك
وبعض المعرفه والله انها حسوفه
تندم على عرفه وخيبة هقاويك
وبعض العرب ينفعك لحظة وقوفه
يحميك بعد الله ويرفع معاليك
وبعض العرب يازين نطقة حروفه
ولاغبت عنه قال شي ماهو فيك
وبعض العرب لاراح خله ذلوفه
خله يروح ويبتعد عن حراويك
وبعض العرب ودك بروحك تحوفه
وتفديه في حالك ومالك ويفديك
هذا زمان كاثرات ظروفه
الكل مشغول وعنده شرابيك
وهذا زمان كاذبات حلوفه
للمصلحه يحلف ويكذب لتسليك
وهذا زمان يكفي الله صروفه
فيه العجابب فيه كل التهاليك
وهذا زمان البهذله والنكوفه
اقرب قريب لك يغثك وياذيك
ويالله ياللي كل شي تشوفه
ومافيه شي يالاهي بيخفيك
انك تامن كل مسلم بخوفه
ويالله تسترنا بهدي وهاذيك
الشاعر : سعود الحسيني
الزم كتاب الله واقرا ه باحساس
واستغفر الله دوم وتعيش رايق
ولامن ذكرت الله ماجاك وسواس
واحفظ صلاتك وانت بتكون فايق
وخلك مع الله وانت بتصير نبراس
يشع وجهك نور بين الخلايق
ولاتشغل الخاطر على كل هوجاس
جنب طريق ابليس واسلك طرايق
وخل الامور اللي يجي منها اعماس
اطلق حجاجك لايكدرك عايق
وافطن لبعض الناس في كل مجلاس
اللي بنقل الهرج يشعل حرايق
وخلك على درب المراجل على ساس
والا الردى بينك وبينه عوايق
بعض البشر يصعب على كل بلاس
مايقربه راعي العلوم الدقايق
وبعض البشر مافيه والله نوماس
دايم لفعل الطيب ماهو بطايق
وخلك عزيز النفس من بين هالناس
اشمخ سما وخلك على العز لايق
وعيش الحياة وكل شي له قياس
الراس راس واللحايق لحايق
واذكر اله الكون في كل الانفاس
وانشهد انك بالذكر دوم رايق
الشاعر : سعود الحسيني
الطيب بين الناس مافيه عذروب
ياكارهين الطيب لاتعذربونه
خلوه يمشي للمخاليق بدروب
درب الهلا درب الكرم والمعونه
والا الردى كله عذاريب وعيوب
تكفون ياهل الطيب لاتقربونه
خلوه مقطوع بالافعال واسلوب
وشخص تفاخر بالردى يتركونه
راع الكرم والجود بالناس محبوب
شف المجالس بعضها يمدحونه
وراع الردى بالناس ماهو بمرغوب
شف المجالس بعضها ينكرونه
لان المجالس بعضها عيوب بعيوب
وبعض المجالس حي منهم يجونه
وبعض المجالس راعي الطيب محجوب
وراع الردى محشوم ويقلطونه
وراع النميمه اصبح اليوم مطلوب
وراع الستر خلوه ولايبونه
ولاني على بعض الدواوين مغصوب
اللي اليا غاب الخوي يفضحونه
استغفر الله عن بعضها وانا اتوب
لاصار ذكر الله مايذكرونه
والرجل بين الناس مايشيل عذروب
يحفظ اموره لايجي بالمهونه
س ١٠ – هل لديك اضافة ؟
ج ١٠ – لا ليس لدي اضافة وشكرا على هذا اللقاء المميز
في ختام لقائنا بك شاعرنا الرائع نشكر لك رحابة صدرك وحسن الحفاوة والترحاب
وشكرا لكم
