هب الهبوب وداعب الروح نسناس
هيضت يالمحبوب مكنون شوقي
جيتك وانا كلي وله كلي احساس
جيتك بقلب وافي لك صدوقي
ياكبر قدرك في خفوقي عن الناس
والقلب في حبك متيم شفوقي
لاغبت عني صرت مخنوق الانفاس
في شوفتك فرحه ونفسي تروقي
حبك بقلبي دون حد ومقياس
يسير مثل الدم داخل عروقي
انت الفخر والعز ياطيب الساس
ياللي وصالك طب نفسي وذوقي
ارخصت لك عمري وانا اقول لاباس
انت الغرام اللي سكن في خفوقي
شعر – بنت الجنوب
